Eusi Vision
Mit intelligente Software fü d Gebäudeautomation möchted mir eusne Chunden debi helfe, durch innovativi Lösige ihri Gebäude z optimiere und d Effizienz z steigere.
Effizienz
Laufed Ihri Lüftigsahlage nur dänn, wenn sie würklich benötiget werded?
Durch Anpassige vo de Stüürig vo de Ahlage chan d Effizienz massgeblich gesteigeret werde.
Durch eusi eigni Softwareentwicklig sind mir in de Lag, fremdi System ahzbinde und i die Prozesse ihflüssen z lah.
Steigered Sie de Komfort und glichziitig d Effizienz!
Händ Sie au scho festgstellt, dass es i de Gebäudetechnik oft Redundanze git?
Das bedütet, di glich Temperatur wird mehrfach gmesse.
Isch Ihne au scho ufgfalle, dass es verschiedeni System git wo sich jewils nur um ein Teil vo de Gebäudetechnik kümmered?
Es zentrals System, wo sich um d Regelig, s Monitoring, d Visualisierig und s Alarmmanagement kümmeret reduziert Redundanze und sorgt für klari Schnittstelle und Ahsprechpartner.
Redundanzen reduzieren
Optimierig
Energieoptimierig isch in aller Munde, doch was chan mer konkret unterneh?
Mit Wetterdate chönd Heizigssystem uf de Forecast reguliert werde.
Durch IoT-Sensorik chan d Bewirtschaftig vo de Rüüm optimal auf de Nutze abgstimmt werde.
Steigered Sie de Eigenverbruuch vo Ihrere PV-Ahlag mit ere intelligente Stüürig vo de Verbruucher.
Händ Sie d Energieflüss vo Ihrem Gebäude im Griff?
Weli Gebäudeteil verbruched wie viel Energie, obwohl sie nöd gnutzt werded?
Mit eme Energie-Monitoring erfahred Sie meh über Ihri Energieflüss und möglichs Sparpotential.